Quanda Gente

di

Alessandro Pinto

(poeta nato a Pisciotta)

Quanda gente miezzo a chiazza stasera.

Che soccere, ma che è sta ammuina?

O manifesto azzeccato stammatina mbacci o muro

ngoppa o muraglione se face legge figno ra e cecati

nu nome gruosso co tanto re stemma e re titoli re stato.

Vene no personaggio re cartiello a parlà pe sti voti nata vota.

A le sette ra fore no barcone canzuni re conquiste e re battaglie.

Qualcuno strilla pe se mette annante ma l’auti stanno citto,

s’appaurano ri chiddo ca succere roppo a festa.

U vi lloco.

Esse cu rue o tria compagni re partito vistuto buono

o mezzi trasandato pe fa crere che è omo re fatia.

U cielo no bola na mosca accoglie co pacienzia li fiumi re parole,

sempe e stesse.

Progetti antichi, pratiche sospese, puorto, strate sicure.

E’ partito ra Roma, mò è a Salierno, fra quacche iuorno viriti che soccere.

E parla, parla e la folla lo staie a sente.

Se vaie au governo, quanto a certo Dio, Pisciotta cangia nome e cangia vita.

Ng’è chi vatte e mano e ng’è chi fischia.

A gente se ne torna inda o vico. Qualcuno resta a la chiazza, ma no parla.

S’assetta au café pe na partita.

Accumenza na cursa. Ng’è chi vai case case a cercà voti

ricordanno i piaciri già fatti: penziuni pe tutta a famiglia, a fatia cu l’impresa,

nu figlio arruolato, puorto r’armi, passapuorti a murire.

Come face no povero Cristo. E’ n’assarto continuo.

Se defenne come pote. Rice a tutti casine. Ca rai o voto e jura e spergiura.

Si o voto non o circhi è offesa grossa.

Si o circhi non sai a gente come a piglia.

S’adda sta au juoco.

No voto no posto. Prumisse a viento ra na parte e ra l’auta.

Vene a notte.

Inda o lietto co a luce stutata a mugliere addommanna

cadda fa crammatino, pe chi adda votà.

O marito se gira e se vota, po responne.

Ma ramolo a chisto.

Pare brutto e chiddauto addò lu mitti.

Re ne figlio nu tierzo, no quarto. E chistato ch’è nato ca attuorno.

Li partiti, l’irea nu cuntano niente.

Cu stu tiempo ca corre nu capisci se è russo o se è janco.

Sai che ng’è. Facimo accussì:

A prima matina, quanno nisciuno nce vere n’abbiamo a li macchie.

Non è cosa responne a mugliere. Nandi o seggio, ncastieddo, ng’è gente firata.

Si no bai a botà, veramente so guai. O patrone se face furioso.

Su minaccia, te leva o saluto e so anni assai luonghi a passare.

Come Dio a boluto, ognuno ha botato mbriacato ra tria o quattro schede

co recena re nomi mai ntisi.

Tocca sulo l’attesa. Silenzio. S’aspetta a sentenza.

Sulo la sera si sape chi a bbinto.

Festa a chiazza e pe i vichi.

Chi ha perduto stai arreto a finestra cu nu munno ru numeri ngapo.

Face cunti. Se a piglia cu tutti. E chiddauto s’affaccia a o barcone.

Nandi a porta ng’è a folla e a signora ca jenghe i bicchieri e saluta.

O su misi, so anni, ma sempe e stesse sonate.

Ng’è chi aspetta o posto inda a scola, nu lavoro sicuro e leggiero.

Ng’è chi spera re avè a penzione pe na figlia chi non s’è sposata

e ng’è figli chi chiange re raggia pecché nata vota adda parte pe forza c’o treno.

So anni ca vota, ca vene a bbotà ra lontano, ma no pote restà.

A Pisciotta non ng’è niente ra fà